خان کی کفایت شعاری

وزیرِ اعظم کے اقوامِ متحدہ کے دورے کی تیاریاں ان دنوں کی جا رہی ہیں - آج عمران خان صاحب کو اس دورے میں ان کے ساتھ جانے والے وفد کی لسٹ پیش کی گیؑی - اس لسٹ میں 40 نام دیکھ کر عمران خان پریشان ھو گۓ اور انہوں نے پوچھا کہ " ھم وھاں ایسا کیا کرنے جا رھے ہیں کہ اتنے بندوں کی ضرورت ھے ؟ " - اس پر چوکس بیوروکریٹ نے ان کے سوال کا جواب دینے کی بجاۓ بات گھما دی اور بولے " سر ! اس سے پہلے وزراۓ اعظم کے اس نوعیت کے دوروں میں 60 سے 80 تک لوگ جاتے رھے ہیں ، آپکی کفایت شعاری کی پالیسی کے پیشِ نظر لسٹ کو مختصر کر دیا گیا ھے - اس بار جالیس ، صرف چالیس افراد ظلِ الٰہی !! "

اس پر عمران خان نے کہا " میں یہ پوچھ رھا ھوں کہ اتنے سارے لوگوں کا کام بتاؤ - کون لوگ ہیں یہ ؟ " سیکرٹری بولا " سر ان میں تجربہ کار صحافی ، اعلیٰ سرکاری حکام اور ان کے اھلِ خانہ شامل ھوں گے " - اس پہ عمران خان کا دماغ گھوم گیا - انہوں نے سیکرٹری سے پوچھا " تم نے میری تقریر سُنی تھی ؟ وہ سنانے کے لیے نہیں ، عمل کرنے کے لیے تھی "

عمران خان نے سیکرٹری کے سامنے اس لسٹ کے ٹکڑے کر کے اس کے ھاتھ میں دیے اور اسے بتایا " صرف مَیں ، وزیرِ خارجہ شاہ محمود قریشی ، وفاقی سیکرٹری خارجہ اور دفترِ خاجہ سے ایک کوآرڈینیٹر ، کُل 4 لوگ جا رھے ہیں -انتظام کر دو "

سیکرٹری پسینہ پونچھتا کمرے سے باھر نکل گیا -